Nutrición

A inmensa fonte de nutrientes das rías galegas caracteriza as propiedades nutritivas do Mexillón de Galicia:

-É un alimento con baixo contido en graxas e alto contido en proteínas, sendo as proteínas que contén de alto valor nutricional.

-100 gramos de carne de Mexillón de Galicia atesouran un alto contido en Omega 3.

-É fonte natural de vitaminas (B12, riboflavina-B2 e folacina-B9)

-É fonte natural de sales minerais (ferro, fósforo, selenio, iodo, potasio e zinc).

Con tan só consumir 100 gramos de vianda, cóbrese o 100% das cantidades diarias recomendadas de vitamina B12 e de selenio.


Fonte: Base de Datos Española de Composición de Alimentos (BEDCA) – Axencia Española de Seguridade Alimentaria e Nutrición (AESAN)

É un alimento natural moi recomendable, especialmente para os cativos, xa que debido ao seu elevado contido proteico e ás cantidades significativas de fósforo que achega á dieta, contribúe ao crecemento e desenvolvemento normais dos seus ósos. Ademais, o ferro que contén contribúe ao desenvolvemento cognitivo normal dos pequenos.

Por ser fonte de zinc, o consumo de Mexillón de Galicia tamén contribúe á fertilidade e reprodución normais, e como contén cantidades significativas de vitamina B9, contribúe durante o embarazo ao crecemento dos tecidos maternos.

O ferro e as vitaminas contidas no Mexillón de Galicia axudan a diminuír o cansazo e a fatiga.

As cantidades de vitamina B12 que o caracterizan protexen as células fronte ao dano oxidativo.

En xeral, as vitaminas e sales minerais que presenta o Mexillón de Galicia contribúen:

  • ao funcionamento normal do sistemas inmunitario e nervioso e das membranas celulares.
  • ao mantemento dos ósos, dentes, cabelo, pel e da visión, en condicións normais, e a conservar a masa muscular.
  • á función cognitiva e psicolóxica normais.
  • ao metabolismo normal de macronutrientes, ácidos graxos, hidratos de carbono, homocisteína e da vitamina A; e tamén á síntese normal de aminoácidos.
  • e á formación normal dos glóbulos roxos e en xeral das células sanguíneas, así como da hemoglobina.

En resume, o Mexillón de Galicia é un alimento natural, san e nutritivo ideal para unha dieta variada e equilibrada, polo que resulta completamente compatible cun estilo de vida saudable, esa que todos desexamos. Agardamos que o disfrute!