Arroz de Mejillón de Galicia

Ingredentes 4 persoas:
1 kg. de Mexillón de Galicia fresco 300 grs. de arroz bomba, 900 ml. de caldo de peixe, 1 cebola, 3 dentes de allo, 1 pemento vermello Pemento doce Azafrán, Pementa branca Aceite de oliva, Sal, Prixel para decora.

Preparación:
Cocemos os mexillóns ao vapor, en canto empecen a abrir sacámolos do lume e retiramos a carne das valvas, limpamos de filamentos e reservamos. Colamos a auga resultante da cocción do mexillón e reservámola.

Poñemos ao lume nunha tarteira ou paelleira o aceite de oliva e agregamos os allos finamente picados. Cando empecen a tomar cor, agregámoslle a cebola tamén finamente picada e fritimos todo ben.

Incorporamos o pemento tamén picado (pódense deixar uns cachos para decorar), deixamos que se faga un pouquiño todo xunto e agregamos o pemento doce. Fritimos ben a lume baixo e incorporamos o azafrán e o arroz, mesturando ben. Engadimos o caldo de peixe e a auga de cocción dos mexillóns, rectificamos de sal e pementa e deixamos que coza durante 16 minutos (se queremos un arroz máis caldoso, deixámolo cocer coa tapa posta).

Un par de minutos antes da finalización do tempo de cocción, engadiremos os mexillóns. Posteriormente deixamos repousar o arroz tapado, mínimo durante 5 minutos. Dispoñer o prato e adornar con prixel fresco picado.

Emma Pinal Osorio
Chef do Gastrobar “O Birrán”
(Ribadavia – Ourense)