Mexillón de Galicia en escabeche

Logotipo Mexillón de Galicia en escabeche

Ingredientes 10 unds.:
1 kg de Mexillón de Galicia fresco, Aceite de oliva, 350 gr., Vinagre, 185 gr., Loureiro 2 follas, 3 dentes de allo, Pementa negra en gran (4 bolas) Pemento doce, 3 gr., Pemento picante, 17 gr., Sal.

Preparación:
Abrimos ao vapor os mexillóns. Sacámolos das cunchas e reservámolos. Nunha tixola botamos o aceite de oliva e poñémolo ao lume. Engadimos unhas follas de loureiro. Cando estea quente fritimos o allo, non ten que dourar, ten que quedar ao dente. Engadimos os grans de pementa negra e seguidamente os mexillóns. Engadimos o pemento doce e o pemento picante e tamén o vinagre (proporción: 1 parte de vinagre por 2 partes de aceite). Deixamos que ferva uns 5 minutos. Salgamos a gusto.

O escabeche é un método de conservación, polo que o líquido (aceite e vinagre) debe cubrir totalmente os mexillóns. Calquera produto preparado ao escabeche consérvase durante meses nunha cámara, sempre que se cumpra este requisito.

 

Prepararon esta receita:
Nuria Ruiz Gómez (profesora), Javier Torres Pereira, Diego Rodríguez Taboada e Alfonso Lojo Santorum (alumnos)
CIFP Carlos Oroza
(Pontevedra)