Os censos definitivos do subsector da produción, depuración e transformación xa están dispoñibles

En relación ás eleccións ao Consello Regulador, dando seguimento ao calendario electoral, os censos definitivos do subsector da produción, depuración e transformación están dispoñibles para consulta nas Delegacións territoriais e comarcais de Pesca de Galicia, nas entidades de produción, Agade, Agacome e no Consello Regulador do Mexillón de Galicia.

Ata o día 5 de outubro ás 14 horas, poderanse formalizar a presentación de candidaturas para renovar o Pleno do Consello Regulador, consonte aos artigos 13 e seguintes da orde de convocatoria. A tal fin os promotores poderán solicitar os formularios de presentación de candidaturas persoalmente nas oficinas do Consello Regulador ou mediante correo electrónico ao enderezo info@mexillondegalicia.org

Igual prazo rexe para as entidades asociativas vinculadas ao Consello Regulador para formular solicitude de mesa electoral periférica no seu ámbito territorial, que a Comisión Electoral haberá de resolver xunto coa designación de 3 titulares e 6 suplentes por mesa consonte o artigo 21 da orde de convocatoria; sempre baixo as condicións de seguridade sanitaria que estableza a situación COVID do momento.