Entra no noso Facebook e gaña un exclusivo kit de cociña de Mexillón de Galicia

12 Decembro, 2017

“Batea de Amigos” é unha nova iniciativa de Mexillón de Galicia destinada a interactuar cos seus seguidores en Facebook. Trátase dun concurso moi sinxelo que se inicia hoxe, 12 de decembro, e prolongarase ata o 26. Estade moi atentos aos sucesivos post que iremos incorporando na nosa rede social. Participa. Entra na nosa conta de Facebook (facebook.com/mejillondegalicia) e le as condicións.
O concurso é unha das accións previstas na campaña de comunicación que a DOP Mexillón de Galicia está a levar a cabo en medios dixitais desde o mes de outubro. Esta ambiciosa iniciativa do Consello Regulador, realizada a través dunha axuda solicitada ao GALP, aprobada pola Consellería do Mar e financiada por fondos europeos, vai dirixida a un público amplo, integrado tanto por consumidores finais como por profesionais da distribución, hostalería, gastronomía, etc, e o seu ámbito de divulgación é nacional.
Consolidar a competitividade da DOP; potenciar a marca Mexillón de Galicia; e comunicar as vantaxes que, en termos de valor engadido, representa pertencer á DOP son os tres grandes obxectivos que se pretenden alcanzar con esta campaña.