Mexillón de Galicia, no Fórum Gastronómico da Coruña

O Fórum Gastronómico da Coruña é un dos eventos máis relevantes de cantos celébranse en España no ámbito da gastronomía. Máis de 200 expositores correspondentes a outras tantas empresas galegas, españolas e estranxeiras acudirán a esta cita que se desenvolverá os días 12, 13 e 14 deste mes e na que Mexillón de Galicia deixará a súa pegada. Será no curso de dúas degustacións dirixidas polo cociñeiro Miguel Mosteiro, que elaborará dous menús completos recorrendo ao mellor mexillón do mundo como ingrediente fundamental.

A primeira demostración será este domingo, día 12, a partir das 13,45. A esa hora iniciarase a cata “Namórate dun galego: Garantía de calidade e orixe DOP Mexillón de Galicia”.

Para a ocasión, Mosteiro preparará tres propostas, cada cal máis suxestiva: “Humus de Mexillón de Galicia con grisinis e sementes”, “Mexillón de Galicia en bilbaína con patacas de Galicia chafadas, brotes tenros e emulsión de laranxa”, e “Mexillón de Galicia con crema de apionabo e encurtidos”.

A segunda demostración, denominada “Namórate dun galego DOP Mexillón de Galicia (En conserva)”, será o martes 14, ás 16 horas. Ese día, Mosteiro elaborará “Empanada aberta de Mexillón de Galicia con cebola negra”, “Escuma de coliflor con Mexillón de Galicia e aire do seu escabeche”, e “Canelones de Mexillón de Galicia con bechamel de pementos asados”.