O mexillón galego (Mytilus galloprovincialis) é un molusco bivalvo que vive en estado silvestre formando comunidades mais ou menos numerosas na zona de mareas ou por embaixo desta, pero sempre en sitios de pouca profundidade. Atópase suxeito ás penas ás que se adiren por medio do biso. Iste sistema de fixación é aproveitado polos mitilicultores galegos para fixalo as cordas que penden das bateas, e conseguir un mexillón da máxima calidade, cun elevado rendemento en vianda e ceibe de areas e fangos, O MEXILLÓN DE GALICIA.

O mexillón é un animal de sexos separados. O macho cando está maduro verte os espermatozoides áauga, tendo lugar a fecundación dos óvulos maduros no interior das femias. As larvas producidas, unhas 800.000 por femia, fan vida peláxica durante uns días mentras completan o seu desenrolo, e logo fíxanse a un sustrato mediante os filamentos do biso.

O Mexillón de Galicia ten unha característica forma de machada, puntiaguda e grosa no extremo anterior ou umbo, e longa moi afiada no posterior. A súa cuncha está formada por duas valvas iguais de carbonato cálcico, cubertas externamente por unha capa de cor negro azulado, onde se poden observar unhas liñas concéntricas denominadas estrías de crecemento. A articulación dunha valva coa outra realízase por medio dun sistema bisagra denominado charneira.

Polo que se refire o seu aspecto interno, o manto ten normalmente unha cor crema alaranxada, é moi distinto do blanquecino das restantes zonas de producción.

O Mexillón de Galicia aliméntase por filtración, aprobeitando o fitoplancto que se atopan na auga do mar. A súa capacidade de filtración é excepcional, chegando a filtrar ata 8 litros de auga a hora.

Como alimento, o Mexillón de Galicia é unha fonte protéica de excelente calidade, con valor nutritivo similar ó da pescada, langosta e a maioría dos animais mariños comestibles.

VALOR NUTRITIVO

O Mexillón de Galicia é un alimento equilibrado, san e dietético. Rico en proteínas, vitaminas e sales minerais, o Mexillón de Galicia é un alimento completo e ideal para todo tipo de dietas, apto para réximens baixos en calorías, cunha aportación idónea para os mozos e en xeral para todas aquelas persoas que desexan unha vida sa. Ademais o seu baixo nivel de colesterol facilita a coordinación ósea e muscular.

VALOR NUTRITIVO DO MEXILLÓN DE GALICIA (por 100 gramos de vianda)
Proteínas	10,4 gr.
Lípidos	1,9 gr.
Hidratos de carbono	1,9 gr.
Auga	85,4 gr.
Iodo	0,035 gr.
Calcio	80,0 mg.
Ferro	4,5 mg.
Magnesio	23,0 mg.
Vitamina B1 (Tiamina)	0,1 mg.
Vitamina B2 (Riboflavina)	0,14 mg.
OUTRAS SUBSTANCIAS EN CANTIDADES INFERIORES
Vitaminas	A, C e D
Calorías	62

Unha ducia de Mexillóns de Galicia equivalen a 150 g de carne, e 100 g de mexillóns proporcionan un cuarto das proteínas diarias que un adulto necesita.